Elordada «Jasyl kópir» ınstıtýty ashylady
ASTANA. QazAqparat - Aǵymdaǵy jyly elordada «Jasyl kópir» ınstıtýty ashylady. Bul týraly búgin «Jasyl kópir - «Jasyl» tehnologııalarǵa, ınnovatsııalar men qoljetimdi energııaǵa kópir» atty halyqaralyq konferentsııa barysynda QR Energetıka mınıstri Qanat Bozymbaev málim etti.
Mınıstr óz sózinde «Jasyl kópir» seriktestik baǵdarlamasyn QR Prezıdenti Nursultan Nazarbaev 2012 jyly Rıo-de-Janeıroda ótken BUU-nyń Búkilálemdik sammıtinde kótergenin jáne ol álemdik qoǵamdastyq tarapynan keńinen qoldaýǵa ıe bolǵanyn basa aıtty.
«Jasyl kópir» seriktestigi jahandyq bastamasynyń negizgi mindeti - «jasyl ekonomıka» salasyndaǵy bilim, ınnovatsııa jáne tehnologııany almastyrý jáne transfertteý jolymen ekonomıkalyq ósim boıynsha Eýropa, Azııa jáne Tynyq muhıty elderiniń arasyndaǵy yntymaqtastyqty damytý», - dedi ol.
Sonymen birge ol 2015 jyly Astana qalasynda Qazaqstan, Qyrǵyzstan, Tájikstan, Estonııa, Reseı, Túrkııa jáne Fınlıandııanyń úkimettik emes uıymdarymen «Jasyl kópir» seriktestik baǵdarlamasy» atty halyqaralyq uıym qurylǵanyn eske salyp ótti.
«Aǵymdaǵy jyldyń sońyna deıin Astanada «Jasyl kópir» ınstıtýtyn ashýdy josparlap otyrmyz. Sonymen birge ótken jyldyń qyrkúıeginde bizdiń Prezıdentimiz BUU Bas assambleıasynyń 70-shi sessııasynda BUU qamqorlyǵymen jasyl tehnologııalardyń halyqaralyq ortalyǵyn qurý týraly bastama kóterdi. Ol keıinnen jańa tehnologııalardy qoldaýdyń ıntegratsııalyq tetigi bola alar edi. ıÝNEP (BUU-nyń qorshaǵan orta jónindegi baǵdarlamasy) pen BUU syndy halyqaralyq uıymdar mundaı ortalyqtyń qurylýyna qoldaý bildirdi», - dedi Q.Bozymbaev.
