Elordada «Jasyl el» jobasy aıasynda 1500 jýyq jas óren jumyspen qamtyldy (FOTO)

ASTANA. QazAqparat - Jyl saıyn Astana qalasy Jastar saıasaty máseleleri basqarmasynyń qoldaýymen jastardy jumyspen qamtý maqsatynda stýdenttik qurylys jasaqtary jáne «Jasyl el» jastar eńbek jasaqtarynyń jobalary júzege asyrylyp keledi.

Astana qalasy Jastar saıasatyn qoldaý memlekettik qorynyń dırektory Baqytjan Júnisbekovtiń aıtýynsha, atalmysh jobaǵa elordanyń joǵary oqý oryndarynyń 1500-ge jýyq stýdentteri qatysqan.

Búgingi merekeli sharaǵa QR Parlamenti Májilisiniń depýtattary, elordalyq qurylys kompanııalarynyń ókilderi, qurylys jáne jastar jasaqtarynyń basshylary, sondaı-aq, qalanyń belsendi jastary qatysty. «Jasyl el» jasaǵynyń belsendileri gramotalar jáne baǵaly syılyqtarmen marapattaldy, dep habarlaıdy astana.kz.

Bıylǵy jyly joba aıasynda 1500 jýyq jas óren jumyspen qamtyldy, olardyń qatarynda joǵary oqý oryndary men kolledjderdiń stýdentteri, orta mektepterdegi joǵary synyp oqýshylary men jumyssyz jastar bar. Jyl basynan beri belsendi jastar qalany kógaldandyrýǵa jáne abattandyrýǵa óz úlesterin qosty, EKSPO qala qurylysy jáne basqa da qurylys jobalaryna qatysty. Atalmysh shara elimizdiń jastaryn biriktirýmen qatar, jumyspen qamtý máselesine óz úlesin qosady.