Elordada jastardyń taǵy bir densaýlyq ortalyǵy ashyldy
ASTANA. 20 qarasha. QazAqparat - Elordada jastardyń onynshy densaýlyq ortalyǵy ashyldy. Ol L.N.Gýmılev atyndaǵy Eýrazııa Ulttyq ýnıversıtetiniń janynan qurylyp otyr.
Elordanyń resmı saıtynyń málimetinshe, «Daýa» ortalyǵy 10 myń stýdentti qabyldaýǵa daıyn. Munda jastarǵa tegin járdem beriledi, qajettilik jaǵdaıynda gınekolog, venerolog, psıholog sııaqty mamandar anonımdi kómekter kórsete alady.
Medıtsına qyzmetkerleriniń málimetteri boıynsha, bıylǵy jyldyń tek ótken 9 aıynda Astananyń densaýlyq ortalyqtaryna 22 myńnan astam adam qaralǵan. Sondyqtan, mundaı medıtsınalyq mekemelerdiń bolýy búgingi kúnniń talaby. Óıtkeni, olardyń kómegimen jastarǵa densaýlyq jaǵdaılaryn túzeýge jáne aýrýdy bastalý kezeńinde anyqtap, aldyn alýyna múmkindikter týady.
