Elordada jastar tájirıbesine qatysýshylardyń jalaqysy qanshalyqty ósti

NUR-SULTAN. QazAqparat – Nur-Sultan qalasy ákimdiginiń «Halyqty jumyspen qamtý ortalyǵy» KMM dırektorynyń orynbasary Talǵat Esimov Memleket basshysynyń 11 qańtarda Májilistiń jalpy otyrysynda bergen tapsyrmasyna qatysty pikir bildirdi, dep habarlaıdy QazAqparat tilshisi.

«Prezıdent sóz sóıleýinde eldiń áleýmettik-ekonomıkalyq damýyna aıryqsha nazar aýdardy. Ol jalaqyny arttyrý, jastar tájirıbesi merzimin uzartý, halyqtyń tabysyn kóterý jáne basqa da kóptegen jaıtqa qatysty boldy», - dedi ol QazAqparat tilshisine.

Osy rette spıker elimizde joǵary oqý oryndary men kolledj túlekterine arnalǵan jastar tájirıbesi baǵdarlamasy jumys istep turǵanyn atap ótti.

«Atalǵan baǵdarlama boıynsha búgingi jalaqy 25 aılyq eseptik kórsetkishti quraıdy. Sonymen qatar jergilikti bıýdjetten 10 AEK mólsherinde teń qarjylandyrý bar. Qazirgi ýaqytta baǵdarlama aıasyndaǵy jalaqy – 107 myń teńge, tájirıbe merzimi – 6 aı. Prezıdent tapsyrmasyna sáıkes, jastar tájirıbesi boıynsha jalaqy 10 AEK-ke arttyrylyp, merzimi 12 aıǵa deıin uzartyldy. ıAǵnı, endigi ýaqytta jalaqy 40 AEK-ti nemese 120 myń teńgeden astamdy quraıtyn bolady», - dedi dırektor orynbasary.

Sonymen qatar Talǵat Esimov bul is-sharalardyń der ýaqytynda qabyldanǵanyn ári qajetti ekendigin basa aıtty.

«Bul is-sharalar der ýaqytynda qolǵa alyndy. Eger bul baǵdarlama aıasynda jastarǵa jalaqy kóteriletin bolsa, onda olar Jumyspen qamtý ortalyǵyna júginip, resmı tabys tabady ári tájirıbe jınaqtaıdy», - dedi ol.