Elordada jastar saıasaty eýrazııalyq habynyń alańy ashylady

ASTANA. QazAqparat - Aǵymdaǵy jyly «BUU modeli» atty halyqaralyq konferentsııa ótedi. Bul týraly búgin Elbasy kitaphanasy dırektorynyń orynbasary Ámirhan Rahymjanov aıtty, dep habarlaıdy QazAqparat.

«Keleshekte Astanada jastar saıasaty eýrazııalyq habynyń turaqty halyqaralyq alańyn ashý qarastyrylyp otyr. Aǵymdaǵy jyly QR Tuńǵysh Prezıdenti - Elbasy qorynyń qoldaýymen alys jáne taıaý shetelderdiń stýdentteri úshin «BUU modeli» atty halyqaralyq konferentsııa ótkizý josparlanýda. Sharaǵa. Dıplomatııalyq mıssııa ókilderi, BUU-nyń jáne basqa da halyqaralyq uıymdardyń sarapshylary qatyspaq»,  - dedi ol «HHІ ǵasyrdaǵy jappaı qyryp-joıý qarýyn taratpaý: Irannyń ıadrolyq baǵdarlamasy jáne Taıaý Shyǵystaǵy beıbit ómir» atty konferentsııa barysynda.

Onyń aıtýynsha, shara aıasynda «BUU modeli» alańynda álemdik bas kóshbasshylardyń qatysýymen Qazaqstannyń jahandyq problemalardy sheshýdegi usynystaryn talqylap, ony odan ary taratý kózdeledi.

«Qoǵamdyq dıplomatııanyń mundaı formaty jastar arasynda Qazaqstannyń bitimgershilik mıssııasyn qalyptastyrýda oń áserin beredi dep oılaımyz», - dedi Ámirhan Rahymjanov.

Aıta keterligi, Irannyń Qazaqstandaǵy Tótenshe jáne Ókiletti Elshisi Modjtaba Damırchılý «Irannyń ıadrolyq baǵdarlamasy jáne Taıaý Shyǵystaǵy beıbit ómir» taqyrybynda baıandama jasady.

Foto: presidentlibrary.kz