Elordada jastar men jasóspirimder arasynda bokstan týrnır ótip jatyr
ASTANA. QazAqparat - Táýelsizdik merekesi men Alash úkimetiniń 100 jyldyǵyna oraı Astanada bokstan respýblıkalyq ashyq týrnır ótýde, dep habarlaıdy QazAqparat «Habar» telearnasyn silteme jasap.
Baıraqty báseke jastar men jasóspirimder arasynda uıymdastyrylǵan. Bylǵary qolǵap sheberleriniń dodasyna elimizdiń barlyq óńiri men Reseı, Ózbekstan, Tájikstan jáne Qyrǵyzstannan da boksshylar kelgen. Uzyn sany 180 sportshy jınaldy. Olar jas erekshelikteri boıynsha 7 topqa bólinip, ózara myqtyny anyqtaýda.
«Búgin týrnırdiń jartylaı fınaly ótip jatyr. Rıngke 28 jup shyǵady. Bizdiń quramamyz jaqsy óner kórsetýde. Astana, Almaty qalalarynyń sportshylary myqty. Reseılikter de osal emes». - deıdi jarystyń bas tóreshisi Qanat Sıqymbaev.
