Elordada jastar máselesine qatysty 59 joba júzege asyryldy
ASTANA. QazAqparat - Jyl basynan beri qalada jastar saıasatyna qatysty 59 joba júzege asyryldy. Onyń 34 memlekettik áleýmettik tapsyrys aıasynda oryndaldy, dedi qalalyq jastar saıasaty máseleleri basqarmasynyń jetekshisi Ashat Oralov máslıhattyń áleýmettik-mádenı máseleleri jónindegi turaqty komıssııasynyń otyrysynda.
«Atalǵan jobalar aıasynda 350 jýyq shara ótkizilip, 75 myń jas qamtyldy. Bul baǵyttaǵy jumys jastar arasynda keń tanylǵan Facebook men Instagram áleýmettik jelileri men aqparattyq portaldar arqyly da júrgizilip keledi. Mundaǵy aýqymdy qosa alǵanda 5 mln jýyq adamdy qamtyp otyr», - dedi A.Oralov.
Onyń aıtýynsha, 2016 jyly basqarmamen 45 joba júzege asyrylǵan (onyń 24 memlekettik jekemenshik tapsyrys sheńberinde).
«Aǵymdaǵy jyly ótkizilgen sharalar 2015 jylmen salystyrǵanda (150 is-shara) eki esege atty», - dedi basqarma basshysy.
Aıta keteıik, Astanada 14 joǵary oqý orny, 35 kolledj bar. Bul bilim mekemelerinde 78 062 jas oqyp jatyr.
Buǵan qosa máslıhat otyrysynda belgili bolǵandaı elordada jastar máselesimen aınalysatyn 70-ten astam úkimettik emes uıym tirkelgen. Búgingi kúni onyń nebári 27 paıyzy belsendi jumys istep tur.
