Elordada «Jastar Qazaqstan halqynyń birligi úshin» atty forým ótýde
áýirdiń 28-i. QazAqparat /Qanat Mámetqazyuly/ - Búgin, sáýirdiń 28-inde Elordada «Jastar Qazaqstan halqynyń birligi úshin» atty jalpyulttyq forým óz jumysyn bastady. Jastar jıyny QR Bilim jáne ǵylym mınıstrligi, Qazaqstan jastar kongresi, Qazaqstan halqy assambleıasynyń uıymdastyrýymen ótkizilýde,
dep habarlaıdy QazAqparat.
«Jastar Qazaqstannyń birligi úshin» atty forým aıasynda basqosý jyl saıyn ótkiziletin ıgi dástúrlerdiń birine aınalyp otyr. Bul shara memlekettik jastar saıasaty tóńireginde pikir almasý, bolashaq josparlardy birige júzege asyrý úshin tıimdi dıalogtyq alań retinde tanylyp keledi. Búgingi basqosýdyń negizgi maqsaty - memlekettik jastar saıasatynyń ózekti máselelerin talqylaý, rýhanı, adamgershilik qundylyqtardy nasıhattaý, óskeleń urpaqqa patrıottyq tárbıe berýge járdemdesý bolyp tabylady», dedi jıyndy ashyp sóz sóılegen QR Bilim jáne ǵylym mınıstri Janseıit Túımebaev.
Sonymen birge, mınıstr óz sózinde jastardy jáne elimizdegi barlyq jastar uıymdaryn 2011-2020 jyldarǵa arnalǵan bilimdi damytýdyń memlekettik baǵdarlamasyn, sondaı-aq «Memlekettik jastar saıasaty týraly» zań jobasyn ázirleýge belsene aralasýǵa shaqyrdy.
Forým aıasynda «Jastardyń óńirlerdegi jetistikteriniń kartasy» atty kórme uıymdastyrylyp, onyń barysynda jastar tarapynan jasalǵan úzdik bastamalar men áleýmettik jobalar tanystyryldy.
