Elordada «Jastar kadrlyq rezervi - 2012» baǵdarlamasynyń júzege asyrylýyna arnalǵan saltanatty is-shara bastalmaq

Bul týraly búgin elordada ótken brıfıng barysynda  QR Prezıdenti janyndaǵy ortalyq kommýnıkatsııa qyzmetiniń resmı  ókili Altaı Ábıbýllaev málim etti.

Onyń atap ótýinshe, bilim berý júıesiniń, bıznes salasynyń jáne qoǵamdyq-saıası qyzmettiń kadrlyq rezervine negiz bola alatyn  daryndy, maqsatty jas mamandardyń qoǵamdastyǵyn qurý ıdeıasyn Memleket basshysy 2008 jyly 14 mamyrda  «Nur Otan» partııasynyń «Jas Otan» jastar qanatynyń 1-shi sezinde usynǵan bolatyn.

Al  2012 jyly 3 myńnan asa belsendi, alǵyr jastar, qazaqstandyq jáne sheteldik joǵary oqý oryndarynyń 29 jasqa deıingi túlekteri atalǵan jobaǵa ynta bildirgen.

«2012 jylǵy 24 qarashada jobanyń júzege asyrylý nátıjesinde joǵary kórsetkishke jetken qatysýshylarǵa kýálik berilip, kadrlyq rezervke alynady», - dedi resmı ókil.