Elordada jastar arasyndaǵy «Bolashaq energııasy» respýblıkalyq baıqaýy bastaldy
ASTANA. 12 qyrkúıek. QazAqparat - Astanada «Bolashaq energııasy» - «EXPO-2017-ge qoldaý bildir! Elge qoldaý bildir!» taqyryby boıynsha úzdik urandar men esselerdiń respýblıkalyq baıqaýy bastaldy.
Baıqaý EXPO-2017 halyqaralyq arnaıylandyrylǵan kórmesin Astanada ótkizýge ótinimin berý aıasynda uıymdastyrylyp otyr. Bul týraly QR Ekonomıkalyq damý jáne saýda mınıstrliginiń Saýda komıtetinen habarlady.
«Bolashaq energııasy» baıqaýynyń maqsaty -energııanyń balamaly kózderin damytýǵa jastardyń nazaryn aýdarty sondaı-aq, EXPO-2017 kórmesin elimizde ótkizý ıdeıasyn kópshilikke nasıhattaý. 12 qyrkúıek pen 30 qazan aralyǵynda ótetin baıqaýǵa Qazaqstannyń barlyq joǵary synyp oqýshysy men stýdentteri (baıqaý týraly tolyq aqparattar www.expo2017astana.com saıtynda) qatysa alady. Nátıjeler 2011 jyldyń jeltoqsan aıynda jarııalanady.
Aıta keteıik, EHRO-2017 kórmesin elimizde ótkizý ıdeıasy Prezıdent Nursultan Nazarbaevqa tıesili.
Mundaı jobalarǵa qatysý - Qazaqstan úshin mańyzdy qadam. Olar arqyly memleket óziniń múmkindikteri men áleýetin álemge áıgileı alady. Kórme balamaly energııa kózderin damytýǵa myqty serpin berip, Qazaqstanǵa jańa ınvestıtsııalar men tehnologııalardy tartýǵa septigin tıgizetin bolady.
EXPO 2017 kórmesiniń taqyryby - «Bolashaq energııasy». Ol - jańǵyrmaly energııa kózderin turaqty paıdalaný jáne engizý - qazirgi zamannyń jahandyq máseleleriniń biri bolyp tabylatyn taqyrypty qamtıdy.
Qazaqstan munaı, gaz, ýran sekildi energetıkalyq qorlarǵa asa baı. Mol tabıǵı baılyqtarymyzǵa qaramastan, Qazaqstan energııanyń balamaly kózderin belsendi damytýda. Atalmysh resýrstar erteli-kesh sarqylatynyn eskerip, memleket olardy bolashaq urpaq úshin saqtap qalýǵa nıetti. Sondyqtan búginde Qazaqstan ózge elder sekildi ekologııalyq taza balamaly energııa kózderine úlken úmitter artyp otyr.
