Elordada «Jastar-2009» respýblıkalyq syılyǵynyń ıegerleri marapattaldy
dep habarlaıdy QazAqparat.
Respýblıkalyq syılyqqa 360-tan astam talapker usynylyp, 18 atalym boıynsha tańdaýly jastar men jas ujymdar anyqtaldy.
Atap aıtqanda «Jastar-2009» syılyǵy «Úzdik jastar uıymy», «Jastarmen jumys júrgizýde úzdik aımaqtyq memlekettik uıym», «Jas kóshbasshy», «Jyldyń jas saıasatkeri», «Úkili úmit», «Jyl sportshysy», «Jas jýrnalıst», «Jyldyń jas ǵalymy», «Jas daryn», «Úzdik jas oryndaýshy», «Úzdik jas shyǵarmashylyq top», «Jas memlekettik qyzmetshi», «Jas rejısser», «Jyldyń úzdik aýyl muǵalimi», «Aýyldyń úzdik jastar uıymy», «Úzdik medıtsına qyzmetkeri», «Jas depýtat», «Jyl debıýti» atalymdary boıynsha úzdikterdiń arasynan oza shyqqan tańdaýly jastarǵa berildi. Olarǵa táýelsiz elimizdiń rámizine aınalǵan qanatyn keńge jaıyp, bıikke samǵaǵan qyran qus beınesindegi músin jáne tósbelgiler saltanatty túrde tabystaldy.
Syılyq 2004 jyldan beri «Nur Otan» HDP-niń «Jas Otan» jastar qanatynyń jáne «Qazaqstan jastary kongresiniń» bastamasymen jyl saıyn berilip keledi. Baıqaý jastardyń qoǵamdaǵy rólin arttyrý, elimizdi damytýǵa jáne óreli isterge olardy keńinen tartý maqsatynda ótkiziledi.
«Qazaqstannyń jastary ishinde talantty da talapty, daryndy jastarymyz óte kóp. Minekı, osyndaı jastarymyz kóptiń biri bolyp qalmasa eken, talantty jastarymyzdy taba bileıik, olardyń juldyzdarynyń janýyna jaǵdaı jasaý kerek», dedi Bilim jáne ǵylym vıtse-mınıstri Mahmetqalı Sarybekov.
