Elordada «JasStart» sport festıvali ótedi
ASTANA. QazAqparat - Aldaǵy demalys kúnderi «Astana Jastary» jastar resýrstyq ortalyǵynyń uıymdastyrýymen Q. Muńaıtpasov atyndaǵy stadıonda saǵat 10-nan 18-ge deıin sport pen salaýatty ómir salty festıvali ótedi.
Qala ákimdiginiń saıtynyń habarlaýynsha, is-sharaǵa qala turǵyndary men qonaqtary, aýla klýbtarynyń tárbıelenýshileri qatysady. Olar shaǵyn-fýtbol, shahmat, ústel tennısi, strıtbol oınap, krossfıt pen armrestlıngke arnalǵan alańdarda jattyǵady.
Sondaı-aq, «JasStart» festıvali aıasynda sport taýarlarynyń jármeńkesi ótedi. Munda sport taýarlary men kıimder týraly aqparat alýǵa, jattyǵý quraldaryn synap kórip, satyp alýǵa bolady, elordalyq sport federatsııalary jattyqtyrýshylarynyń sheberlik synyptary ótedi. Munymen qosa, qatysýshylarǵa qaladaǵy fıtness-klýbtar men sport uıymdary týraly málimetter usynylady.
