Elordada jasóspirimder tóbelesti

ASTANA. KAZINFORM – Áleýmettik jelide eki balanyń tóbelesiniń vıdeosy tarady. Qazir kámeletke tolmaǵandardyń janjalyn polıtsııa qarap jatyr.

Tártip saqshylary tekserý barysynda balany urǵan 10 jastaǵy jasóspirimdi anyqtady.

- Jasóspirimniń qylmystyq jaýapkershilik jasyna tolmaýyna baılanysty qoldanystaǵy zańnamaǵa sáıkes qylmystyq is qozǵaý múmkin emes. Soǵan qaramastan, zańda kózdelgen sharalar qabyldandy. Kámeletke tolmaǵan balanyń zańdy ókili bala tárbıesi mindetin tıisinshe oryndamaǵany úshin ákimshilik jaýapkershilikke tartyldy, - degen habar aldyq qalalyq Polıtsııa departamentinen.

Polıtsııanyń baspasóz qyzmeti habarlaǵandaı, atalǵan oqıǵa boıynsha qosymsha shara qabyldaý úshin materıaldar balalardyń quqyǵyn qorǵaý jónindegi komıssııaǵa joldandy.

- Sonymen qatar jasóspirim profılaktıkalyq esepke qoıyldy. Profılaktıkalyq esep – polıtsııa tarapynan qatań baqylaý, turaqty áńgimelesý, pedagog, psıholog jáne áleýmettik qyzmetshimen jeke jumys júrgizý. Quqyq buzýshylyq qaıtalanǵan jaǵdaıda qatań sharalar qoldanylady, - delingen habarlamada.

Osy oraıda Astana qalasy Polıtsııa departamenti ata-analarǵa eskertý jasaıdy.

- Kámeletke tolmaǵan balanyń tártibine tıisti baqylaýdyń bolmaýy jáne ata-ananyń áreketsizdigi – quqyqbuzýshylyqqa aparatyn tikeleı jol. Bul úshin zańmen jaýapkershilik kózdelgen, - deıdi polıtsııadan.

Jaqynda Qosshyda eki mektep muǵaliminiń tóbeleskeni jaıly jazǵan edik. 

Sondaı-aq Mańǵystaýda mektep oqýshylary tóbelesip, bir bala aýrýhanaǵa tústi.