Elordada jasóspirimdi avtobýs qaǵyp ketti

ASTANA. KAZINFORM — Astanada kólik apatynan birneshe adam zardap shekti. Bul týraly qalalyq polıtsııa departamentiniń baspasóz qyzmeti habarlaıdy. 

— Turan dańǵylymen kele jatqan avtobýs júrgizýshisi belgilengen jerden joldy kesip ótpek bolǵan kámeletke tolmaǵan jaıaý júrginshini qaǵyp ketti. Jol apaty saldarynan jaıaý júrginshi jaraqat alyp, aýrýhanaǵa jetkizildi. Sonymen qatar, avtobýs kenetten toqtaǵan kezde ishinde bolǵan jolaýshy jaraqat alyp, ol da medıtsınalyq mekemege jetkizildi, — delingen habarlamada.

Qazir jol apatyna qatysty tergeý júrgizilip jatyr.

Osy oraıda Astana qalasynyń polıtsııa departamenti jol qaýipsizdigi erejelerin qatań saqtaýǵa jáne jolda asa muqııat bolýǵa shaqyrady.

Taıaýda ǵana Astanada eki júk kóligi soqtyǵysyp, órtenip ketken edi. 

Artynsha kólik apatyna baılanysty sotqa deıingi tergeý bastaldy. 

Eske salaıyq, naýryzdyń basynda elordada aýa raıynyń qolaısyzdyǵynan 100-ge jýyq kólik apaty boldy.