Elordada jasóspirimder arasyndaǵy qylmys 12,2 paıyzǵa tómendedi
Vedomstvo málimetinshe, elordalyq polıtsııa qyzmetkerleri balalardyń qaýipsizdigin qamtamasyz etý maqsatynda bilim berý mekemeleriniń aýmaqtaryn, olarǵa irgeles jerlerdi qas qaraıǵan ýaqyttaǵy jaryqtandyrylýyn, káriz qudyǵy qaqpaqtarynyń ashyq qalmaýyn, syrtqy baqylaý kameralasynyń bolýyn, sonymen qatar mektepterdiń kúzet qyzmetiniń biliktiligi men bilim ordasy tóńiregindegi jol qaýipsizdigi sharalarynyń qabyldanýyn tekserdi. Nátıjesinde 35 bilim berý uıymynda syrtqy baqylaý kamerasynyń tolyqqandy jumys istemeıtindigi, al 38-inde baqylaý júıesiniń ornatylmaǵandyǵy anyqtalǵan. Buǵan qosa, bilim berý uıymdary jeke qyzmet uıymdarynyń qyzmetterine derbes júginip otyr. Al bul kórsetiletin qyzmetterdiń sapasyna keri áserin tıgizýde.
«Vıdeo kameralarǵa qatysty aıtar bolsaq, eń birinshi kezekte bizge statıstıkaǵa qatysty mán-jaıdy anyqtap alýymyz kerek. Bilim berý basqarmasyna mektep dırektorlarymen, jergiliki polıtsııa ókilderimen jáne iKÓMEK 109 baılanys ortalyǵymen birge bul máselege tyńǵylyqty qarap, Nur-Sultan qalasynyń barlyq mektebin tekserip shyǵýdy tapsyramyn. Muny aýmaqtyq jaýapkershiligi bar aýdandyq ınspektorlarmen birge júzege asyrý qajet. Qandaı kameralar shynaıy istep turǵandyǵyn bilýge tıispiz», - dedi Nur-Sultan qalasy ákiminiń orynbasary Baqtııar Máken.
Osyǵan oraı elordada balalar qaýipsizdiginiń aılyǵy ótkizilmek.
«Mektepterde vıdeo baqylaý júıesin jetildirý, baqylaý júıesin ornatý qajet. Bul jumystarǵa tek lıtsenzııasy bar uıymdardy tartqan jón. Polıtsııa men oqý oryndary arasyndaǵy tyǵyz yntymaqtastyqty nyǵaıtý, balalardyń qaýipsizdigin qamtamasyz etý jáne jasóspirimder arasyndaǵy quqyq buzýshylyqtyń aldyn alý máselelerin tabysty sheshýge múmkindik beredi. Qabyldanǵan aldyn alý sharalary jasóspirimder arasyndaǵy quqyq buzýshylyqty tómendetýge septigin tıgizip otyr. Birlesken jumystardyń nátıjesinde bıyl kámeletke tolmaǵandar jasaǵan qylmystar 12.2 paıyzǵa tómendedi», - dedi elordalyq polıtsııa departamentiniń bastyǵy Erjan Sádenov.
