Elordada jasóspirim qyzdarǵa papıllom vırýsyna qarsy ekpe júrgiziledi
ASTANA. 10 maýsym. QazAqparat - 2013 jyldyń qyrkúıek aıynan bastap jasóspirim qyzdarǵa papıllom vırýsyna qarsy vaktsına egiletin bolady,
dep habarlady astana.kz saıty Densaýlyq saqtaý basqarmasynyń baspasóz qyzmetine silteme jasap.
Qazaqstan Respýblıkasynda Onkologııalyq kómekti damytý baǵdarlamasynyń is-sharalar josparyna sáıkes 11-12 jas aralyǵyndaǵy jasóspirim qyzdarǵa papıllom vırýsyna qarsy vaktsına egiletin bolady. Vaktsına egý úsh kezeńnen turady. Atalǵan papıllom vırýsyna qarsy egý jumystary moıyn men jatyr isigin aldyn alý maqsatynda júrgizilýde.
«Bul vaktsına Eýropa men Azııanyń kóptegen elderinde sátti júzege asýda. Bizdiń elimizde áıel adamdardy tekseristen ótkizý kezinde árbir úshinshi adamnan papıllom vırýsy tabylǵan. Bul aýyr syrqattyń keńinen taralýy qaýpi bar ekendigin kórsetedi. Osyǵan oraı jasóspirim qyzdardy egý jumystary tegin júrgizilýde»,- delingen habarlamada.
2011 jyldyń qorytyndysy boıynsha Qazaqstan Respýblıkasynda moıyn jáne jatyr isigi boıynsha esepte turǵan áıelder sany 9965-ke jetken. Jyl saıyn 1500 áıel syrqattyń osy túrine shaldyqsa, 650 áıel osy dıagnoz boıynsha qaıtys bolady. Moıyn, jatyr isiginiń menshikti salmaǵy 3-4 kezeńder boıynsha 30 paıyzdy quraǵan. Sonymen qatar, onkologııalyq aýrýlardyń arasynan atalǵan syrqat túri qaýiptiligi boıynsha ekinshi orynda ekendigi anyqtalǵan. Joǵaryda atalyp ótken vaktsına egý jumystary moıyn men jatyr isigine shaldyǵý jıiligin tómendetý maqsatynda júrgizilip otyr. Papıllom vırýsynan indet juqtyrý qaýpi 16 jastan 20 jas aralyǵynda jıi kezdesedi.
