Elordada jasalatyn qylmystardyń deni - urlyq
ASTANA. 19 qarasha. QazAqparat - Astana qalasynyń Saryarqa ákimdiginde PIK tóraǵalary men polıtsııa qyzmetkerleriniń kezdesýi ótti.
Bul jaıynda elordanyń resmı saıty habarlap otyr. Qatysýshylar aldynda Astana qalasy ІІD bastyǵynyń birinshi orynbasary, polıtsııa podpolkovnıgi J.Oljabaev páter urlyǵynyń aldyn alý jóninde usynystar aıtyp, sóz sóıledi.
Onyń aıtýynsha, Astanada jasalatyn urlyqtyń basym bóligi - dúnıe-múlikti urlaý.
«Úlgili tártip ornatý úshin biz kúsh biriktirýmiz qajet, - dedi Janbolat Oljabaev PIK tóraǵalary aldynda sóılegen sózinde. - Biletin bolsańyzdar, sizdiń aýmaqtaǵy úı ıeleriniń kópshiligi páterlerin jalǵa beretinder. Statıstıkaǵa sáıkes qylmystyń 80%-yn basqa qaladan kelgender jasaıdy eken».
Sondaı-aq, polıtsııa polkovnıgi PIK tóraǵalaryn kúdikti, bóten adamdar men páterdi jalǵa alýshylardyń júris-turystaryna qatysty qyraǵylyq tanytyp, birinshi qabatqa temir torkózder ornatyp, úıdiń shatyryna shyǵatyn jáne jertólesine kiretin esikterge qulyp salý kerektigin eskertti.
Sonymen qatar, J.Oljabaev urylardan qorǵanýda zamanaýı tehnologııalardy paıdalanyp, domofondar men beınekameralar ornatýdyń mańyzdylyǵyn atap kórsetti.
