Elordada jas jigitti kóshede pyshaqtaǵan kúdikti ustaldy
NUR-SULTAN. QazAqparat – Elordada jas jigitti pyshaqtady degen kúdikpen buǵan deıin sottalǵan 47 jastaǵy azamat ustaldy. Bul týraly Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.
Vedomstvo málimetinshe, elordanyń 47 jastaǵy turǵyny úıine mas bolyp kele jatyp, bir top jas jigitke kezdesip qalady. Jastarmen arada týyndaǵan janjal barynda ol 18 jastaǵy bozbalaǵa pyshaq suǵyp alady. Jaraqattanǵan jas jigit aýrýhanaǵa jetkiziledi.
«Polıtsııa qyzmetkerleriniń jedel izdestirý sharalary barysynda atalǵan qylmysty jasaǵan kúdikti ustaldy. Zattaı aıǵaq – pyshaq tárkilendi. Osy fakti boıynsha QR Qylmystyq kodeksiniń 106-babymen qylmystyq is qozǵaldy. Ustalǵan azamat ýaqytsha oqshaýlaǵyshqa qamaldy. Buǵan deıin onyń asa aýyr qylmys jasaǵany úshin isti bolǵany anyqtaldy. Tergeý júrgizilip jatyr», - dedi departamentten.
