Elordada jas zertteýshi kartop ósirýdiń ekologııalyq taza tehnologııasyn tanystyrdy
ASTANA. KAZINFORM – Jas zertteýshi Eldos Qulahmet elordada ótken «ProEco» ekologııalyq jobalar baıqaýynda aýyl sharýashylyǵynda qoldanýǵa bolatyn ınnovatsııalyq ádisti usyndy. Ol qapta kartop ósirý tehnologııasyn tanystyryp, onyń artyqshylyqtaryn atap ótti.
Bul ádis ekologııalyq talaptarǵa saı bolyp, jer kólemin az qajet etedi, sý resýrstaryn tıimdi paıdalanady jáne hımııalyq tyńaıtqyshtardy qoldanýdy qajet etpeıdi. Eldos Qulahmettiń aıtýynsha, qapta kartop ósirýdiń basty ereksheligi – ónimniń ekologııalyq tazalyǵy men sapasynyń joǵary bolýy. Sonymen qatar shyǵyndar aıtarlyqtaı tómendeıdi.
Usynylǵan joba shaǵyn jer ýchaskesinde joǵary ónim alýǵa múmkindik berip, aýyl sharýashylyǵynda tıimdi ári qoljetimdi tehnologııalardy engizýdiń mańyzdylyǵyn kórsetedi. Mundaı bastamalar jas ǵalymdardyń ǵylymı zertteýlerge degen yntasyn arttyryp, ekologııalyq mádenıetti damytýǵa septigin tıgizedi.
Eske sala keteıik, osyǵan deıin 17 jastaǵy qazaqstandyq ónertapqysh halyqaralyq kórmede júldeger atanǵanyn jazǵan edik.
