Elordada jas sarbazdar áskerı ant qabyldady

NUR-SULTAN. QazAqparat – Ulttyq ulannyń 6636 áskerı bóliminde jas jaýyngerler saltanatty túrde áskerı ant qabyldady. Elordada oryn tepken áskerı bólimniń qataryn bıyl 118 jas sarbaz tolyqtyrdy, dep habarlaıdy QazAqparat QR Ulttyq ulanynyńbaspasóz qyzmetine silteme jasap.

Bul shara sanıtarlyq talaptardy qatań saqtaýmen ótkizildi. Ata-analar úshin áleýmettik jeli arqyly arnaıy onlaın kórsetilim uıymdastyryldy.

Aldymen elimizdiń Ánurany shyrqalyp, 6636 áskerı bóliminiń komandıri podpolkovnık Dmıtrıı Basterdiń buıryǵymen ortaǵa áskerı bólimniń jaýyngerlik Týy shyǵaryldy. Budan soń áskerı bólim komandıri jaýyngerlerge Áskerı anttyń mańyzdylyǵy týraly aıtyp, aqjoltaı tiledi.

Áskerı ant qabyldaǵan jaýyngerlerdiń biri Almaty oblysy Talǵar aýdanynan shaqyrylǵan qatardaǵy Rústem Rahymjan.

«Men táýelsizdiktiń 30 jyldyq mereıtoıy jyly áskerge kelip, búgin Otan aldyndaǵy boryshymdy adal atqarýǵa áskerı ant bergenime qýanyshtymyn. Bas qalada qyzmet atqarý meniń armanym bolatyn. Otanyma adal qyzmet etip, táýelsizdiktiń batyl qorǵaýshysy bolatynyma senimim mol, - deıdi jas sarbaz.

Atap ótken jón, saltanatty sharany jaýyngerlerdiń jaqyndary áleýmettik jeli arqyly tamashalap, izgi tilekterin bildire aldy. Endi áskerı ant qabyldaǵan sarbazdar Otanymyzdyń qorǵaýshysy atanyp, sarbazdar sapyn tolyqtyra tústi.