Elordada jas pedagogtar forýmy ótedi
NUR-SULTAN. QazAqparat - Shara nátıjesinde 20 úzdik jas maman anyqtalady, dep habarlaıdy Elorda Info qalalyq Bilim basqarmasyna silteme jasap.
«Elordalyq bilim: jańa urpaq pedagogy» atty forým jas pedagogıkalyq qyzmetkerlerdiń shyǵarmashylyq qabiletterin damytýǵa, kásibı sheberliginiń deńgeıin joǵarylatýǵa jáne Nur-Sultan qalasynyń bilim berý basymdyqtarymen tanystyrýǵa baǵyttalǵan.
Ondaǵy maqsat - jas pedagogtardyń ortaq shyǵarmashylyq pedagogıkalyq ortasyn qurý jáne jastardyń azamattyq jáne qoǵamdyq bastamalaryn damytý men belsendi shyǵarmashylyq qyzmetke aralastyrý úshin biriktirý.
Sharaǵa jalpy bilim berý mekemeleriniń 28 jasqa deıingi, 3 jyldan aspaıtyn pedagogıkalyq ótili bar pedagogıkalyq qyzmetkerleri qatysady.
Aıtýly bilim sharasyna elordanyń arnaıy tańdap alynǵan ár mekemesinen 2 pedagog, barlyǵy 200 jas maman qatysady. Esse qorytyndysy boıynsha 20 jeńimpaz anyqtaldy. Biri esse jazý bolsa, ekinshisi jerebe tastaý arqyly 4 komandaǵa bólindi: «Naǵyz Teachers», «JasStar», «Young people», «Ushqyn».
Forým tómendegideı is-sharalardan quralady:
1) «Qalalyq Bilim basqarmasy jáne «Ádilet» bilim berý qyzmetkerleriniń qalalyq kásipodaǵy» QB ókilderimen kezdesýler.
2) «Mektep - qazyna araly» shyǵarmashylyq stýdııasy. «Men pedagogpyn» taqyrybynda aýdandar toby boıynsha tusaýkeser (ýaqyt: 10 mınýttan aspaýy kerek);
3) «Jetistikke degen alǵashqy qadamdar» atty ınterbelsendi orta. Aýdandar boıynsha toptardyń ınterbelsendi tapsyrmalardy oryndaýy (ýaqyt: 10 mınýttan aspaýy kerek);
4) «Ádistemelik kaleıdoskop» bilimdilik kvesty. Aýdandar jáne taqyryptar boıynsha jas pedagogtar tobynyń qyzmetine baılanysty sheberlik saǵaty (ýaqyt: 15 mınýttan aspaýy kerek).
Forýmnyń barlyq qatysýshylaryna sertıfıkattar usynylady. Nomınatsııalar boıynsha jeńimpazdar gramota jáne syılyqtarmen marapattalady.
Sharany qalalyq bilim basqarmasy «Ádilet» bilim berý qyzmetkerleriniń qalalyq kásipodaǵymen birlesip ótkizedi. Ótetin orny M.Ótemisuly atyndaǵy oqýshylar saraıy.
