Elordada jas qyzmetkerler ant qabyldady
ASTANA. 18 sáýir. QazAqparat - Uly Jeńistiń 66 jyldyǵy qarsańynda Astana qalalyq Іshki ister departamentinde jas saqshylardyń saltanatty ant qabyldaý rásimi ótti,
dep habarlady Astana qalalyq ІІD baspasóz qyzmetinen Áıgerim Muhanova.
Qazaqstan Respýblıkasynyń Ánuranymen bastalǵan bul saltanatty sharaǵa Astana qalalyq Іshki ister departamenti bastyǵynyń orynbasary, polıtsııa polkovnıgi Dmıtrıı Kvashýk, Kadr jumysynyń basqarmasy Ataqozy Nurlanov, Іshki ister organdarynyń ardageri Qadan Bekenov, Ardagerler keńesiniń tóraǵasy Esim Tanabergenov jáne elordalyq garnızonnyń jeke quramy qatysty.
«Іshki ister departamentiniń murajaıynda mundaı shara jıi ótkiziledi. Óıtkeni jańadan qyzmetke qabyldanyp, uly maqsattarmen qanattanyp kelgen ul-qyzdardy Departament basshylyǵynyń tik turǵyzyp, ant qabyldaýynyń ózi jastarǵa úlken jaýapkershilikti sezindiredi. Qyzmetine degen adal bolýyna septigin tıgizedi», - deıdi Á.Muhanova.
Ardagerler keńesiniń tóraǵasy Esim Tanabergenov bolashaq saqshylarǵa sát sapar tilese, Astana qalalyq Іshki ister departamenti bastyǵynyń orynbasary polıtsııa polkovnıgi Dmıtrıı Kvashýk bıik belesterden kórinip, Otanyna adal qyzmet etetin azamat bolyp shyǵýlaryna tilek bildirdi.
Sonymen qatar ishki ister organdarynyń ardageri Qadan Bekenov sóz alyp, polıtsııa qataryna kelgen jastardyń qyzmetine adal, sertine berik bolýǵa shaqyrdy.
