Elordada jas ǵalymdardyń halyqaralyq saıysy bastaldy
ASTANA. KAZINFORM — Búgin Astanadaǵy №115 jalpy orta bilim beretin mektep bazasynda 9-11 (12) synyp oqýshylaryna arnalǵan «Ǵylym álemin ashamyz» ǵaryshtyq zertteýler boıynsha halyqaralyq ǵylymı konkýrs bastaldy.
Shara sáýir aıynyń 12-si kúni qorytyndylanady.
Zııatkerlik saıys Ǵaryshkerler kúni men Ǵylymı qyzmetkerler kúnine oraı uıymdastyrylýda. Konkýrsqa Qazaqstannyń barlyq óńirlerinen, sondaı-aq Qytaı men Túrkııadan shamamen 200 oqýshy jáne 20 ǵylymı jetekshi qatysyp jatyr.
Konkýrstyń negizgi maqsaty daryndy oqýshylardy anyqtaý, damytý jáne qoldaý, jasóspirimder arasynda ǵylymı-zertteý qyzmetine qyzyǵýshylyqty arttyrý, ǵarysh salasyndaǵy otandyq jáne álemdik jetistikterdi nasıhattaý, sondaı-aq halyqaralyq ǵylymı yntymaqtastyqty nyǵaıtý.
Ǵylymı jarys úsh baǵyt boıynsha júrgiziledi. Atap aıtqanda, AEROO Satellite Launch Competition aıasynda qatysýshylar nanospýtnıkterdi jobalap, qurastyryp, ushyrady. Al AEROO Space AI Competition sektsııasynda jasandy ıntellekt tehnologııalaryn qoldana otyryp ǵaryshtyq jobalar ázirlenedi. «Kún júıesi» AEROO Rocket Science Competition baǵyty boıynsha sý jáne modeldik zymyrandar qurastyrylyp, synaqtan ótkiziledi.
Aıta ketelik astanalyq oqýshylar ıÝpıterden energııa alý ıdeıasymen álemdik baıqaýda top jarǵan edi.
