Elordada jarylǵan kóliktegi tulǵalardyń qandaı da bir dinı ekstremıstik uıymdarǵa qatysy joq - QR Іshki ister mınıstri
ASTANA. 24 mamyr. QazAqparat /Marlan Jıembaı/ - Elordada jarylǵan kóliktegi tulǵalardyń qandaı da bir dinı ekstremıstik uıymdarǵa qatysy joq.
Bul týraly búgin Úkimettegi selektorlyq otyrystan keıin BAQ ókilderiniń saýaldaryna jaýap bergen QR Іshki ister mınıstri Qalmuhambet Qasymov aıtty.
Onyń atap ótýinshe, aldyn ala tekseris barysynda jarylǵysh zattyń quramynda ádette adam ómirine qaýip tóndiretin shege-bolttyń joqtyǵy anyqtalǵan. Mashınada bolǵan tulǵalardyń qandaı da bir dinı ekstremıstik uıymdarǵa qatysy joq. Kólik Qazaqstannyń azamaty, Ekibastuz qalasynyń turǵynyna tıesili. Ol jeke kóligimen adam tasýmen aınalysqan. «Qazirgi ýaqytta biz mashına ıesiniń jáne taǵy bir azamattyń fragmentterin taptyq. Nátıjesin saraptama kórsetedi»,-dedi mınıstr.
Onyń aıtýynsha, kólik qalaǵa jol polıtsııasy beketi arqyly 12.13-te kirgen. Qalada qoǵamdyq qaýipsizdik sharalary kúsheıtildi. Degenmen azamattardyń alańdaıtyndaı qaýip-qater joq.
Budan buryn, birqatar ınternet saıttarda Astana qalasyndaǵy Ulttyq qaýipsizdik komıteti departamentiniń ýaqytsha ustaý ızolıatory ǵımaratynyń qasynda seısenbige qaraǵan túni mashına janyp, jarylǵany týraly aqparat shyqqan bolatyn.
