Elordada jarnamalardyń qazaq tilindegi aýdarmasyna erekshe nazar aýdarylatyn bolady

ASTANA. QazAqparat - Kópshilik tyńdaý ótkizý aıasynda elordanyń qalalyq máslıhat depýtattary Astanada syrtqy jarnama ornalastyrý tártibi men erejelerin saqtaýǵa qatysty problemalyq máselelerdi kóterdi. Sharaǵa Astana qalasynyń sáýlet jáne qala qurylysy basqarmasynyń, kásipkerler palatasy men bıznes qoǵamdastyq ókilderi qatysty. Taraptar birqatar mańyzdy máselelerdi talqylap, syrtqy jarnama ornalastyrý salasyndaǵy buzýshylyqtardy joıý boıynsha usynystar jasady.

Bul týraly qalalyq ákimdiktiń baspasóz qyzmeti habarlaıdy.

Qalalyq sáýlet jáne qala qurylysy basqarmasynyń habarlaýynsha, reıdtik is-sharalar barysynda buzýshylyqtar anyqtalyp, kásipkerler ákimshilik jaýapkershilikke tartyldy.

Atalǵan vedomstvonyń málimetinshe, búginde Astanada 50 jarnamalyq kompanııa qyzmet etedi. Biraq «Syrtqy jarnamany ornalastyrý týraly» zań talaptaryn bári birdeı saqtamaıdy. Óreskel buzýshylyqtarǵa jol berilip, jarnamalar elordanyń sáýlettik kelbetine saı kelmeı otyr. Depýtattar barlyq máselelerdi eskere otyryp, jarnama qyzmetin lıtsenzııalaý erejelerin engizýdi usyndy. Buzýshylyqtar tirkelgen jaǵdaıda, kompanııa lıtsenzııasynan aıyrylmaq.

Munymen qosa, jarnama mátinderiniń mazmunyna, ásirese qazaq tilindegi aýdarmasyna da erekshe nazar aýdarylady. Tilderdi damytý basqarmasyna jarnamanyń ıdeologııalyq jáne tárbıelik mánin esten shyǵarmaı, maǵynasy men aýdarmanyń sapasyna qatań baqylaý júrgizý tapsyryldy.

Kópshilik tyńdaý qorytyndysy boıynsha elorda sheginde bolashaqta elimizdiń barlyq óńirlerinde qoldaný múmkindigimen biryńǵaı erejeler ázirleý usynyldy.