Elordada jaramdylyq merzimi ótken dári-dármekti jınaý aktsııasy bastaldy
ASTANA. QazAqparat - Elordada jaramdylyq merzimi ótken dári-dármekti jınaý aktsııasy bastaldy. Bul týraly búgin «Adam densaýlyǵy ınstıtýty» qoǵamdyq birlestiginiń dırektory Dmıtrıı Tereshkevıch málim etti.
«Bul - Qazaqstandaǵy, Astanadaǵy eń alǵashqy ilki joba. Biz munyń odan ary da óz jalǵasyp taýyp, halyqpen jumys isteýdegi turaqty jobaǵa aınalaryna senimimiz mol», - dedi ol.
Onyń atap ótýinshe, bul aktsııa eki baǵytta órbıtin bolady. Birinshi baǵytta jaramdylyq merzimi ótken dári-dármekter halyqtan jınap alynady. Al ekinshi baǵytta synap termometrler elektrondy termometrlerge aýystyrylatyn bolady.
«Biz jaramdylyq merzimi aıaqtalǵan kádege jaramaıtyn dári-dármekterdi halyqtan jınap almaqpyz. Óıtkeni, qazirgi ýaqytta halyq jaramsyz dári-dármekti qoqys jáshikterine tastaı salady. Al bul ekologııalyq normalarǵa qaıshy. Al jaramsyz dári-dármekti jınaıtyn arnaıy jáshikter elordanyń birqatar dárihanalaryna ornatylady», - dedi D.Tereshkevıch.
Onyń atap ótýinshe, ekinshi aktsııa aıasynda keshe elordanyń memlekettik medıtsınalyq uıymdarynda 1100 elektrondy termometrdi synap termometrge almastyrý sharasy ótkizilgen. Foto: Marat Kýrakov
