Elordada jappaı sporttyq jattyǵýlar jasaý maýsymy 13 qyrkúıekke deıin jalǵaspaq
ASTANA. 4 mamyr. QazAqparat - Astanada «Ómir energııasynan qýat al!» aktsııasy bastalyp, onyń aıasynda buqaralyq jattyǵý sharasy ótedi.
Úshinshi jyl qatarynan elordalyqtar apta saıyn ashyq aspan astynda ótkiziletin osynaý sporttyq dástúrdi jalǵastyrýda. Astananyń bul bastamasyn Qazaqstannyń ózge de qalalary uıymdastyryp ta jatyr.
Aıta keteıik, 2011 jyly bul sporttyq sharanyń jazdyq maýsymyna 6500-den astam elordalyq qatysqan bolatyn, al 2012 jyly olardyń sany 9 700 adamnan asyp tústi. Byltyr osy jattyǵýlar Oqýshylar saraıy aldyndaǵy alańda uıymdastyryldy.
Al bıyl jattyǵý sharasy 13 qyrkúıekke deıin, árbir juma kúni keshki saǵat 19:00-den 20:00-ge deıin ótkiziledi.
Atalǵan sharanyń tanymaldylyǵynyń artýyna baılanysty osy maýsymda onyń baǵdarlamasyna kópqyrly jattyǵý túrleri kirgizilgen.
Aıta keteıik, jattyǵýlardy Astana ákimdigi, elordalyq týrızm, dene tárbıesi jáne sport basqarmasy, Ulttyq sport túrleri jáne buqaralyq-saýyqtyrý dene shynyqtyrý klýby uıymdastyryp otyr.
