Elordada «Januıa» otbasy ınstıtýty qandaı áleýmettik qoldaý kórsetip otyr
Qala ákimdigi tarapynan áleýmettik toptar arasyndaǵy qarym-qatynastardy qoldap, jalpy qala turǵyndarynyń ál-aýqaty men ómir súrý deńgeıin jaqsartý negizinde 2019 jyldyń 26 tamyzynda qala ákimdiginiń janynan «Januıa» otbasy ınstıtýtyn qoldaý ortalyǵy pılottyq joba retinde ashylǵan bolatyn.
Ortalyq bólimderiniń qyzmetiniń maqsaty - otbasy ınstıtýtyn jan-jaqty qoldaý jáne nyǵaıtý, ortalyqqa keletin otbasylarǵa áleýmettik qyzmetter men konsýltatsııalar berý, olarǵa qoldaý kórsetý, máselelerin tolyq sheshýge kómek berý, halyqtyń áleýmettik osal toptaryn anyqtaý bolyp otyr. Jergilikti atqarýshy organdarmen ózara is-qımyl jasaý, azamattardyń ótinishteriniń qysqa, orta jáne uzaq merzimdi kezeńde oryndalýyn qadaǵalaý jáne otbasyn qoldaý.
«Ortalyq pılottyq joba rejıminde óz jumysynyń joǵary suranysqa ıe ekenin kórsetip, Nur-Sultan qalasynyń ákimdigini qoldaýymen 2020 mamyrynan bastap kommýnaldyq memlekettik mekemesi bolyp resmı túrde jumys atqarýda. Ortalyq «bir tereze» qaǵıdatyna negizdelip, (kóp balaly, tolyq emes, az qamtylǵan, múgedek balalardy tárbıelep otyrǵan otbasylarǵa jáne taǵy basqa) azamattardyń jekelengen sanattaryna keshendi konsýltatsııalyq qyzmetter kórsetedi», - dedi Ásemgúl Sadyr elorda ákimdiginde ótken brıfıngide.
Onyń aıtýynsha, «Januıa» ortalyǵynyń bazasynda memlekettik jáne kvazımemlekettik sektorlar mekemeleriniń qyzmetin uıymdastyrý arqyly otbasynyń áleýmettik máselelerin keshendi túrde sheshý júzege asyrylady. Ortalyqta «bir tereze» qaǵıdaty negizinde elordalyqtar úshin 7 memlekettik uıym men kvazımemlekettik mekemeleriniń 15 qyzmet túrlerin alý múmkindigi bar.
Osy oraıda qıyn ómirlik jaǵdaıǵa túsken árbir otbasymen jekeleı jumys júrgiziledi. Máselen, 2021 jyly 432 otbasynyń máselesi qaraldy.
«Ortalyqta quqyqtyq, psıhologııalyq keńes alý, qıyn jaǵdaıǵa tap bolǵan otbasylardy áleýmettik súıemeldeý uıymdastyrylady. Osylaısha, Ortalyq ashylǵan kúnnen bastap, ıaǵnı 2019 jyldan bastap psıhologııalyq kómek alý úshin 798, zańgerlik kómek úshin 5090 adam júgindi. Munymen qosa, kómek alý úshin júgingen 1800-den astam adamǵa áleýmettik kómek kórsetildi. Sonymen qatar, Ortalyqta az qamtylǵan, kóp balaly otbasylarǵa, múgedek balalardy tárbıelep otyrǵan jáne múmkindigi shekteýli azamattarǵa, tsıfrlyq saýattylyqty arttyrý maqsatynda jáne áleýmettik qyzmetter portaly arqyly ózine qyzmet kórsetý múmkindigin jasaý úshin, ózine–ózi qyzmet kórsetý sektorynyń jumysy uıymdastyrylǵan. Portal boıynsha 18 000 astam ótinish qabyldandy. Ashylǵan kúninen bastap Ortalyqqa 114 921 suraq boıynsha 110 266 adam júgindi», - dedi ol.
Ásemgúl Sadyrdyń sózine qaraǵanda, «Halyq únine qulaq asatyn memleket» tujyrymdamasyn iske asyrý turǵysynda Ortalyq bazasynda bekitilgen kestege sáıkes, sanıtarlyq normalardy saqtaı otyryp, apta saıyn memlekettik mekemelerdiń birinshi basshylary, orynbasarlarynyń azamattardy qabyldaýy uıymdastyryldy. Osylaısha, 2021 jyldyń 20 mamyrynan bastap 11 mekeme azamattardy qabyldady, onda 800 astam másele qaraldy. (824 adam, 167 qabyldaý). Elorda turǵyndary «Januıa» ortalyǵynyń bazasynda azamattardy qabyldaý týraly aqparatty áleýmettik jeli arqyly, sonymen qatar ortalyqtyń call-tsentrindegi 27-86-49 nómirine habarlasý arqyly ala alady.
