Elordada jáne úsh óńirde aýa raıyna baılanysty eskertý jarııalandy
ASTANA. QazAqparat - Elordada jáne úsh óńirde dabyldy eskertý jarııalandy, dep habarlaıdy Qazgıdromet.
Astana qalasynda 10-11 tamyzda naızaǵaı, burshaq, daýyl kútiledi, soltústik, soltústik-shyǵystan jel soǵady, ekpini 15-20 m/s.
10-11 tamyzda Aqmola oblysynyń keı jerlerinde naızaǵaı nóser jaýady, burshaq, daýyl bolýy múmkin, jeldiń kúshi 15-20 m/s, túnde jáne tańerteń tuman kútiledi.
10 tamyzda táýlik boıy Qostanaı oblysynda keı jerlerinde naızaǵaı, jeldiń ekpini 15-20 m/s-ge jetedi, burshaq, daýyl kútiledi.
10-11 tamyzda Qyzylorda oblysynyń keı jerlerinde naızaǵaıly jańbyr bolýy yqtımal, sondaı-aq 10 tamyzda óńirde burshaq, daýyl kútiledi.
