Elordada jáne taǵy birneshe óńirde aýa raıyna baılanysty eskertý jarııalandy
NUR-SULTAN. QazAqparat - Aýa raıynyń buzylýyna baılanysty elimizdiń birqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
23 maýsymda Qyzylorda oblysynda soltústik-batystan jáne soltústikten jel soǵady. Jeldiń kúshi keı jerlerde 15-20 m/s jetedi.
23 maýsymda Aqmola oblysynda keı jerlerde naızaǵaı jarqyldap, soltústik-shyǵystan jáne soltústikten soǵatyn jel ekpini 15-20 m/s deıin kúsheıedi.
Aımaqtyń basym bóliginde óte joǵary órt qaýpi saqtalady.
23 maýsym kúndiz Nur-Sultan qalasynda kún kúrkireıdi. Soltústik-shyǵystan jáne soltústikten jel soǵady. Jel jyldamdyǵy 15-18 m/s bolady.
23 maýsymda tańerteń jáne kúndiz Túrkistan oblysynyń keı jerlerinde naızaǵaı oınaıdy. Soltústik-batystan jel soǵady, keı jerlerde jeldiń kúshi - 15-20 m/s.
23-24 maýsymda Soltústik Qazaqstan oblysynyń keı jerlerinde naızaǵaı jarqyldaıdy. 23-24 maýsymda soltústikten soǵatyn jel ońtústik-batys baǵytyna aýysady. Keı jerlerde jel qarqyny 15-20 m/s jetedi.
24 maýsym kúndiz Petropavl qalasynda soltústikten soqqan jel ońtústik-batysqa aýysady. Jel ekpini 15-20 m/s deıin kúsheıedi.
