Elordada jáne taǵy 9 qalada aýa sapasy nasharlaıdy
NUR-SULTAN. QazAqparat – 9 qańtar kúni Qazaqstannyń birneshe qalasynda aýa sapasy nasharlaıdy, dep habarlaıdy QazAqparat «Qazgıdromet» RMK baspasóz qyzmetine silteme jasap.
Kásiporyn taratqan málimetke sensek, 2020 jyldyń 9 qańtar kúni el astanasy - Nur-Sultanda, sondaı-aq Qaraǵandy, Qyzylorda, Aqtóbe, Pavlodar, Óskemen, Temirtaý, Shymkent, Semeı jáne Balqash qalalarynda aýa sapasy nasharlaıdy, ıaǵnı aýa lastanady.
Qazaqstannyń ózge qalalaryndaǵy aýa sapasy birqalypty.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
