Elordada jáne ózge eki qalada aýa sapasy nasharlaıdy
NUR-SULTAN. QazAqparat – «Qazgıdromet» RMK málimetinshe, 12 jeltoqsan kúni 3 qalada aýa sapasynyń jaǵymsyz meteorologııalyq ahýaly qalyptasady, dep habarlaıdy QazAqparat.
Atap aıtqanda, senbi kúni Aqtóbe, Nur-Sultan jáne Shymkent qalalarynda aýa lastanýynyń qolaısyz meteorologııalyq jaǵdaıy kútiledi.
Ózge shaharlarda aýa sapasy norma sheginde bolady.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
