Elordada jáne ózge 5 óńirde úsik júredi
NUR-SULTAN. QazAqparat – «Qazgıdromet» RMK aýa raıynyń nasharlaýyna baılanysty birneshe óńirde eskertý jarııalady, dep habarlaıdy QazAqparat.
Atap aıtqanda, 10 qyrkúıekte túnde Qyzylorda oblysynda soltústik-shyǵystan, shyǵystan jel soǵady, kúshi keı jerlerde 15-20 m/s jetedi. Kúndiz tótenshe órt qaýpi saqtalady.
10 qyrkúıekte Atyraý oblysynyń keı jerlerinde naızaǵaı, daýyl, burshaq, túnde qatty jańbyr kútiledi. Jel ońtústik-batystan soltústik-batysqa aýysyp soǵady, kúshi kúndiz 15-20 m/s jetýi yqtımal.
10 qyrkúıekte Qostanaı oblysynyń keı jerlerinde túnde jáne tańerteń tuman kútiledi. Túnde oblystyń shyǵysynda topyraq betinde -1-3 úsik kútiledi.
11, 12 qyrkúıekte Jambyl oblysynda taýda naızaǵaı boljanady. 10-12 qyrkúıekte keı jerlerde soltústik-shyǵystan soǵatyn jel soltústik-batysqa aýysyp, jyldamdyǵy 15-20 m/s jetedi.
10 qyrkúıekte Nur-Sultan qalasynda túnde topyraq betinde -1 gradýs úsik kútiledi.
10 qyrkúıekte Aqmola oblysynyń keı jerlerinde túnde -1-3 gradýs úsik boljanady.
10 qyrkúıekte Batys Qazaqstan oblysynyń keı jerlerinde naızaǵaı, daýyl, burshaq kútiledi. Soltústik-batys jeliniń ekpini 15-20 m/s artady.
Kúndiz 10 qyrkúıek, táýlik boıy 11 qyrkúıekte Qaraǵandy oblysynda soltústik-shyǵystan, shyǵystan jel soǵady, keı jerlerde kúshi 15-20 kúsheıedi. Túnde 11 qyrkúıekte -1-3 gradýs úsik saqtalady.
10 qyrkúıekte Mańǵystaý oblysynyń keı jerlerinde kúndiz naızaǵaı, ońtústik-shyǵystan soltústikke aýysatyn jeldiń kúshi 15-20 m/s artady.
10 qyrkúıekte Pavlodar oblysynyń keı jerlerinde tuman, -1-3 gradýs úsik kútiledi.
10 qyrkúıekte Soltústik Qazaqstan oblysynda tuman, -1-3 gradýs úsik boljanady.
