Elordada jáne 6 óńirde aýa raıyna baılanysty eskertý jarııalandy
NUR-SULTAN. QazAqparat – «Qazgıdromet» RMK aýa raıynyń nasharlaýyna baılanysty birneshe óńirde eskertý jarııalady, dep habarlaıdy QazAqparat.
Atap aıtqanda, 11 qyrkúıekte túnde Nur-Sultan qalasynda topyraq betinde -1 gradýs úsik kútiledi.
11 qyrkúıekte Batys Qazaqstan oblysynyń keı jerlerinde naızaǵaı boljanady. Ońtústik-batystan soǵatyn jeldiń kúshi kúndiz keı jerlerde 15-20 m/s artady.
11 qyrkúıekte túnde Aqmola oblysynyń keı jerlerinde -1-3 gradýs úsik kútiledi.
11 qyrkúıekte Qyzylorda oblysynyń keı jerlerinde naızaǵaı bolady. Shyǵystan batysqa aýysyp jel soǵady, kúshi kúndiz 15-20 m/s kúsheıedi. Kúndiz tótenshe órt qaýpi saqtalady.
11 qyrkúıekte túnde Pavlodar oblysynda tuman bolyp, topyraq betinde -1-3 gradýs úsik júredi.
11 qyrkúıekte túnde Soltústik Qazaqstan oblysynyń keı jerlerinde topyraq betinde -1-3 gradýs úsik saqtalady. 11 qyrkúıekte kúndiz, 12 qyrkúıekte ońtústik-shyǵystan, ońtústikten jel soǵady, keı jerlerde kúshi 15-20 m/s jetedi.
11, 12 qyrkúıekte Jambyl oblysynda taýda naızaǵaı kútiledi. Keı jerlerde soltústik-shyǵystan soǵatyn jel soltústik-batysqa aýysyp, ekpini 15-20 m/s artady.
