Elordada jańbyr jaýyp, kún kúrkireıdi
ASTANA. 11 qyrkúıek. QazAqparat - Astanada osy aptada kún bultty jáne jaýyn-shashyndy bolady. Apta sońynda kún sýytady, jańbyr jaýady. Túnde aýa temperatýrasy +7+10°C, kúndiz +17+19°C bolady. Bul týraly astana.kz saıtyna «Qazgıdromet» RMK habarlady.
«Sársenbi kúni Astanada kóshpeli bult shyǵady, kúndiz ótkinshi jańbyr jaýady. Soltústik-shyǵystan 5-10 m/s jyldamdyqpen jel soǵady, kúndiz ekpini 15 m/s jetedi. Túnde aýa temperatýrasy +8+10°C, kúndiz +15+17°C bolady», - delingen Qazgıdromet taratqan aqparatta.
Apta sońynda (beısenbi kúni) kún ala bultty bolyp, túnde jańbyr jaýady, kún kúrkireıdi. Soltústik-shyǵystan 9-14 m/s, kún kúrkiregende ekpini 15-20 m/s jyldamdyqpen jel soǵady. Túnde aýa temperatýrasy +7+9°C, kúndiz +16+18°C bolady. Juma kúni sınoptıkterdiń boljamynsha, kóshpeli bult shyǵady, kúndiz jaýyn-shashyndy bolady, kún kúrkireıdi. Shyǵystan 9-14 m/s, kúndiz ekpini 15-20 m/s jyldamdyqpen jel soǵady. Túnde aýa temperatýrasy +7+9°C, kúndiz +17+19°C bolady.
