Elordada jańajyldyq shyrsha órtendi
ASTANA. QazAqparat - Elordadaǵy Turan dańǵyly boıynda ornatylǵan shyrsha otqa orandy, dep habarlaıdy QazAqparat.
QR ІІM Tótenshe jaǵdaılar komıtetiniń resmı ókili Rýslan Imanqulov málimetine qaraǵanda, Turan dańǵyly boıyndaǵy shyrshanyń órtengeni týraly aqparat 25 jeltoqsanda saǵat 06:19 kezinde kelip túsken.
«Órt sóndirý bólimsheleriniń jedel ári úılesimdi is-qımylynyń arqasynda jalynnyń keńinen jaıylýyna jol berilmedi. Órt 06:38-de óshirildi», - dedi Rýslan Imanqulov.
Atap aıtqanda, tilsiz jaýdy aýyzdyqtaýǵa eki arnaıy tehnıka men 10 adam jumyldyryldy.
«Bul oqıǵaǵa oraı zardap shekkender bolǵan joq. Qazirgi kezde órttiń sebebi anyqtalýda», - dedi resmı ókil.
QR ІІM Tótenshe jaǵdaılar komıteti aldaǵy mereke kúnderinde órt qaýipsizdigi erejelerin qatań ustanýǵa shaqyrdy.
