Elordada jańajyldyq erteńgilikter qalaı ótedi – sanıtar dáriger túsindirdi

NUR-SULTAN. QazAqparat – Nur-Sultan qalasynyń bas memlekettik sanıtar dárigeri Sarhat Beısenova elorda mektepteri men balabaqshalarynda jańa jyl merekesin ótkizý tártibin túsindirdi, dep habarlaıdy QazAqparat.

«Mektepke deıingi balalar uıymdarynda jańajyldyq erteńgilikterdi toptyq oqshaýlaýdy qatań saqtaǵan jaǵdaıda – ár top úshin jeke ótkizýge ruqsat etiledi. ıAǵnı, qandaı da bir jańajyldyq is-sharalardy ótkizý úshin toptardy biriktirýge jol berilmeıdi. Úı-jaılardy keıinnen jeldetý arqyly mindetti túrde ylǵaldy tazalaý júrgiziledi», - dedi Sarhat Beısenova elorda ákimdiginde ótken brıfıngte.

Spıkerdiń aıtýynsha, anımatorlar men bóten tulǵalardy shaqyrýǵa jáne ata-analardyń qatysýyna tyıym salynady.

«Mektep erteńgilikterine kelsek, QR Bas memlekettik sanıtar dárigeriniń qaýlysyna sáıkes, mektepterde buqaralyq is-sharalar ótkizýge bolmaıdy, ata-analardyń barýyna da ruqsat joq. Sondyqtan biz jańajyldyq merekelerdi ár synyp úshin jeke-jeke synyp saǵaty túrinde ótkizýdi usynamyz», - dep qorytyndylady dáriger.