Elordada Jańartylatyn energııa kózderi jónindegi sammıt ótip jatyr
NUR-SULTAN. QazAqparat – Elordada Jańartylatyn energııa kózderi jónindegi ІІІ sammıt ótip jatyr, dep habarlaıdy QazAqparat tilshisi.
«Qazaqstan da jasyl ekonomıkaǵa bet burǵan el. Jalpy, alda turǵan mindetter barlyq elderge ortaq, ol ekologııa bolsyn, resýrstar men energııany únemdeý bolsyn. Sondyqtan bul sammıt óte mańyzdy. Búgingi sharaǵa 20 elden 30-den astam delegat qatysyp otyrǵany soǵan dálel», -dedi halyqaralyq sharanyń ashylýynda sóz sóılegen QR Tuńǵysh Prezıdenti – Elbasy qorynyń atqarýshy dırektory Áset Isekeshev.
Onyń atap ótýinshe, «jasyl» energetıka el damýynyń óte kúrdeli bolǵanymen eń mańyzdy baǵyttarynyń biri sanalady. Sondyqtan Qazaqstan áleýmettik sal, kedeıshilikpen kúres, halyqtyń tabysyn arttyrý, jumys oryndaryn qurý syndy eń birinshi kezekti máselelermen qatar strategııalyq basymdyqtarǵa da basa nazar aýdaryp otyr. Oladyń qatarynda elde úshinshi jańǵyrtýdy júrgizý, ınstıtýttyq reformalar men «100 naqty qadam» Ult josparyn júzege asyrý bar.
«Biz Tuńǵysh Prezıdent qory retinde ózimizdiń mıssııamyzdyń aıasynda eksporttyq zertteý baǵdarlamalary, ǵylymı jobalar, júzege asyrý, forýmdar men sammıtter ótkizý arqyly barlyq baǵyttarda belsendi jumys isteýge daıynbyz. Álem, ekonomıka, áleýmettik sala qadaı ózgerip jatqanyn kórip otyrmyz. Jasandy ıntellekt, «úlken málimetter», jappaı tsıfrlandyrý syndy trendterdi de baıqap otyrmyz. Árıne, sondaı trendterdiń biri – «jasyl» ekonomıkany damytý. Bul eldiń eń úzdik standarttarmen damı ala ma, óz azamattaryn laıyqty ómir sapasymen qamtamasyz ete ala degen sııaqty baǵyttaryn kórsetedi», - dedi ol.
Qor basshysynyń dereginshe, qazirgi ýaqytta Qazaqstanda 81 jańartylmaly energııa kózi jumys istep tur.
«Biz eń aldymen damyǵan elderde kún jáne jel energetıkasy balama retinde damyp jatqanyn kórip otyrmyz. Máselen, Germanııada JEK jalpy kólemniń 32 paıyzyn quraıdy. Qazaqstanda da bul salada zor áleýet bar. Aýqymdy jumystar júrgizilip jatyr. Sonaý 2010 jyly QR Tuńǵysh Prezıdenti – Elbasy Nursultan Nazarbaev «jasyl kópir» seriktestik baǵdaralmasyna uıytqy bolǵan edi. Ol 2012 jyly Brazılııada ótken BUU-nyń turaqty damý jónindegi jahandyq sammıtinde qoldaýǵa ıe boldy», - dedi Áset Isekeshev.
