Elordada Jańartylatyn energııa kózderi boıynsha ІІІ sammıt ótedi
NUR-SULTAN. QazAqparat - 25 qyrkúıekte elordada Jańartylatyn energııa kózderi boıynsha ІІІ sammıt (Renewable Energy Summit 2019) – halyqaralyq ındýstrııalyq alańy ótedi, onyń jumysyna álemniń túrli elderinen 300 astam delegat pen spıkerler qatysady, dep habarlaıdy QazAqparat.
Sammıttiń maqsaty – jańartylatyn energııa kózderiniń paıdalanylýyn talqylaý, sondaı-aq elimizdiń jáne búkil álemdik qoǵamdastyqtyń «jasyl» bolashaǵyn» qurýdaǵy úzdik ıdeıalar men tıimdi shesheimderdi iske asyrý.
Sondaı-aq, joba Qazaqstanǵa jańartylatyn energııa kózderi salasyndaǵy jobamen jumys isteıtinderdi, ınvestorlardy jáne tehnologııa jetkizýshilerdi, sondaı-aq qarym-qatynas ornatý jáne tájirıbe almasý úshin búkil álemnen jetekshi mamandardy tartý boıynsha strategııalyq mindetin sheshedi.
Sammıt Qazaqstannyń jańartylatyn energetıka qaýymdastyǵy men Qazaqstan Respýblıkasynyń Tuńǵysh Prezıdenti – Elbasy qory birlesip uıymdastyrady.
Іs-shara Kazakhstan Energy Week 2019 (KEW-2019) jobasy sheńberinde ótedi, ony KAZENERGY qaýymdastyǵy Qazaqstan Respýblıkasy Úkimetiniń qoldaýymen iske asyrady.
Sammıt spıkerleri qatarynda kelesi sarapshylar kútiledi:
Qanat Bozymbaev, Qazaqstan Respýblıkasynyń Energetıka mınıstri; Rae Kvon Chýng, Nobel syılyǵynyń laýreaty; «Jahandyq energııa» syılyǵyn berý jónindegi Halyqaralyq komıtettiń múshesi; Arkadıı Dvorkovıch, «Skolkovo» qorynyń tóraǵasy, FIDE prezıdenti; Bolat Aqsholaqov, KAZENERGY qaýymdastyǵynyń Bas dırektory; Rýslana Lyjıchko, Ýkraına halyq ártisi, Taza energııa elshisi, Eýrobaıqaý 2004 jeńimpazy, Ýkraına Radasynyń eks-depýtaty; Vladımır Shkolnık, Energetıka, ındýstrııa jáne saýda eks-mınıstri, «QazAtomÓnerkásip» UAK basshysy, Qazaqstan Respýblıkasy Prezıdentiniń shtattan tys keńesshisi; Albert Raý, QR Parlamenti Májilisiniń depýtaty; Dármen Sádýaqasov, «Dasco Consulting Group» basqarýshy seriktesi; Armen Arzýmanıan, «Bolashaq energııasy» USAID óńirlik baǵdarlamasynyń jetekshisi; Ramazan Jámpeıisov, BUUDB turatqy damý departamentiniń dırektory; Aıdar Qazybaev, «AHQO» Ákimshiliginiń basqarýshy dırektory; Marlen Іzbashanov, «Birinshi jel elektr stantsııasy» JShS bas dırektory; ıAkýp Berısh, Qazaqstandaǵy BUU Damý baǵdarlamasynyń turaqty tóraǵasy; Jomart Momynbaev, «Zamanaýı ınnovatsııalyq tehnologııalar» JShS seriktesi; Rýslan Jemkov, «Astana EKSPO-2017» UK» AQ basqarýshy dırektory; Evgenıı Vagarın, Rodina AG Bas dırektory jáne negizin qalaýshy, Chernobyl ýún AES ázirleýshisi jáne ıesi; Arman Qashqynbekov, Qazaqstan Jańǵyrtylatyn energııa qaýymdastyǵynyń bas dırektory.
Qatysýshylar Qazaqstandaǵy jáne álemdegi jańartylatyn energetıkanyń birqatar strategııalyq mańyzdy jáne ózekti máselelerin talqylaıdy. Jańartylatyn energetıka bolashaǵy: jahandyq úrdister men qazaqstandyq tájirıbe; «Jasyl» qarjy jáne «jasyl» ekonomıka: Qazaqstanda qandaı qarjy quraldary jáne JEK damytýdyń ınvestıtsııalyq múmkindikteri bar? JEK jobalary boıynsha aýktsıondyq saýda-sattyq nátıjeleri men perspektıvalary; Best Cases: Qazaqstanda JEK oblysyndaǵy eń tabysty jobalardyń reıtıngi; sekildi taqyryptar kóteriledi.
Sondaı-aq, sammıt sheńberinde áleýetti ınvestor JEK salasyndaǵy startap-jobalardyń arnaıy tanystyrady. Qazirgi ýaqytta qatysýshylardyń ótinimderin jınaý júrgizilip jatyr, odan keıin uıymdastyrý komıteti is-shara sheńberinde jeke ázirlemelerin usyna alatyn eń perspektıvaly qatysýshylardyń tizimin jasaıdy. Osy sektsııaǵa qatysýǵa ótinim berý merzimi – 1 tamyzǵa deıin. JEK sammıtine qatysýǵa tirkeý is-sharanyń resmı saıtynda - resummit.kz júzege asyrylady.
