Elordada jańa jyldyq shańǵy jarysy ótkiziledi
ASTANA. 29 jeltoqsan. QazAqparat - Elordada jańa jyldyq shańǵy jarysy ótkiziledi, dep habarlaıdy Astana qalasy týrızm, dene tárbıesi jáne sport basqarmasynyń baspasóz qyzmeti.
Shańǵy sportynyń dástúrleri elordada óz ornyn alýda. Qalanyń sport basshylyǵy shańǵy tebýdi qala turǵyndar arasynda súıikti demalys túrleriniń biri retinde tanytý maqsatynda túrli buqaralyq is-sharalardy ótkizip otyr. Olardyń ishinde eń belgili sharalarǵa jyldyń basynda ótkiziletin «Burqasyn» shańǵy sporty festıvali men jańa jyldyń qarsańyndaǵy shańǵy jarysy bar.
30 jeltoqsan kúni Astana qalasynyń shańǵy-rollerlik tas jolynda (Astanalyq saıabaǵy) elorda turǵyndary men qonaqtarynyń árqaısysy qatysa alatyn Jańa jyldyq dástúrli shańǵy jarysy ótpek.
Jarys 1990 jyly týylǵan jáne odan da úlken eresekter men áıelder arasynda, 1991-1992, 1993-1996 jylǵy jastar men 1997 jylǵy jáne odan da kishi balalar arasynda ótedi.
