Elordada Jańa jyl merekesinde 1,5 myń polıtsııa qyzmetkeri men 160 patrýl kóligi jumys isteıdi
ASTANA. 23 jeltoqsan. QazAqparat - Elordada Jańa jyl merekesinde 1,5 myń polıtsııa qyzmetkeri men 160 patrýl kóligi jumys isteıdi. Bul týraly búgin «Quqyqtyq tártip» jedel aldyn alý is-sharasyn ótkizýge arnalǵan brıfıngte málim boldy, dep jazady qala ákimdiginiń resmı saıtynda.
«Alda kele jatqan jańajyldyq is-sharalar qarsańynda qoǵamdyq tártip pen jol qaýipsizdigin qamtamasyz etý jáne qylmystar men quqyq buzýshylyqtardy eskertý men jolyn kesý úshin 2013 jyldyń 23 men 27 jeltoqsany aralyǵynda keń aýqymdy «Quqyqtyq tártip» jedel aldyn alý is-sharasy ótkiziledi. Іs-sharaǵa elorda garnızonynyń jeke quramy, ishki áskerlerdiń áskerı qyzmetkerleri jáne jurtshylyq qatysady. «Quqyqtyq tártipti» ótkizýge shamamen 1,5 myń qyzmetker men 160 avtokólik jumyldyrylady»,- dedi Astana qalasynyń ІІD ákimshilik polıtsııa basqarmasynyń bastyǵy Baqytjan Malybaev.
Sonymen qatar, «Quqyqtyq tártip» barysynda azamattardyń jappaı shoǵyrlaný jáne demalý oryndarynda kóshe qylmystarynyń jolyn kesý jáne aldyn alý is-sharalary júzege asyrylady.
Ýchaskelik polıtsııa ınspektorlarymen ákimshilik aýmaqtaryn profılaktıkalyq aralaý, esepte turatyn tulǵalardy tekserý, qarý ıelerin tekserý kúsheıtildi.
Jol-patrýldik polıtsııa jasaqshalarymen jol qozǵalysyna jáne jol qaýipsizdigin qamtamasyz etýge baqylaý jasaý kúsheıtiledi.
