Elordada jańa jyl merekesin toılaý qarsańynda tıisti quqyqtyq tártipti qamtamasyz etý maqsatynda jedel-aldyn alý is-sharasy ótýde - brıfıng
ASTANA. Jeltoqsannyń 22-si. QazAqparat /Quralaı Orynbekqyzy/ - Elordada jańa jyl merekesin toılaý qarsańynda tıisti quqyqtyq tártipti qamtamasyz etý maqsatynda ishki ister, áskerı organdarynyń jáne qoǵamnyń barlyq kúshteri men quraldarynyń qatysýymen «Quqyqtyq tártip» jedel-aldyn alý is-sharasy ótýde.
Bul týraly búgin Astana qalasy Іshki ister departamentinde ótken brıfıngte aıtyldy, dep habarlaıdy QazAqparat tilshisi.
«Qazirde bul sharaǵa Astana qalasy boıynsha 1034 qyzmetker men 136 kólik jumyldyryp otyr. Onymen qosa, bizge tıesili 3 aýdannan 276 adamnan turatyn qosymsha top qurylyp otyr. Jańa jyl merekesi qarsańynda túrli korporatıvtik keshter ótetinini málim. Osyǵan oraı, barlyq meıramhanalarda, dámhanalar men oıyn-saýyq oryndarynda udaıy tekseris sharalaryn júrgizip, sol jerlerdegi qoǵamdyq qaýipsizdikti baqylaıtyn bolamyz», - dep atap ótti brıfıngte Astana qalasy ІІD Memlekettik saıasat jáne aqparat bóliminiń bastyǵy Nurdildá Oraz.
N.Orazdyń aıtýynsha, jedel-aldyn alý is-sharasy barysynda bazarlarda, saýda ortalyqtar men dúkenderde zańsyz satylatyn pırotehnıkalyq zattar anyqtalady. «Sonymen birge, elordaǵa jan-jaqtan qonaqtar keledi. Osyǵan oraı temir jol beketi mańaıynda qaýipsizdikti qamtamasyz etetin bolamyz», - dedi bólim bastyǵy.
