Elordada jańa jol ýchaskeleri ashylyp jatyr
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy qalalyq joldardy salý jáne jóndeý boıynsha aýqymdy jumys júrgizip jatyr.
Bıyl 25 qazannan bastap Q.Qaısenov kóshesinde Uly Dala dańǵylynan Buqar jyraý kóshesine deıingi ýchaskede qozǵalys ashyldy. Bul baǵytta baǵdarshamdar ornatylyp, abattandyrý, jaryqtandyrý jáne jol belgilerin ornatý jumysy júrgizildi.
Sondaı-aq 25 qazannan bastap Q.Amanjolov kóshesinde Raıymbek batyr kóshesinen Sh.Qaldaıaqov kóshesine deıingi aralyqta asfaltbeton jabynynyń tómengi qabatyna deıin qozǵalys qamtamasyz etildi. Injenerlik jelilerdi júrgizý jumysy aıaqtaldy.
Jıektastar ornatylyp, jol negizi tóseldi. Abattandyrý jumysy jalǵasyp jatyr.
2025 jyldyń 28 qazanynan bastap D.Qonaev kóshesinde Turan dańǵylynan Qabanbaı batyr dańǵylyna deıin kólik qozǵalysy qaıta jandanady.
Nysannyń jer ústi bóliginde negizgi qurylys jumysy aıaqtaldy: jańa jol jamylǵysy tóseldi, jol tańbalary belgilendi, barlyq qajetti jol belgisi ornatyldy.
Ýchaske tolyqtaı paıdalanýǵa daıyn. Qazirgi ýaqytta kópir qurylymy men irgeles aýmaqta árleý jáne abattandyrý jumysy jalǵasyp jatyr.
Bıyl 1 qarashada A62 kóshesinde Astana-Qaraǵandy tasjolynan A91 kóshesine deıingi ýchaskede jumysty aıaqtaý josparlanyp otyr.
Qozǵalys júris bóligi boıynsha tolyq qamtamasyz etiledi.
5 qarashada Q.Muhamedhanov kóshesiniń jańa ýchaskesinde – Sh. Aıtmatov kóshesinen Qorǵaljyn tasjolyna deıin kólik qozǵalysyn ashý josparlanyp otyr.
Abattandyrý jumysy jalǵasady.
Sondaı-aq bıyl Kúıshi Dına kóshesiniń qurylysy M.Jumabaev kóshesinen Abylaı han dańǵylyna deıin aıaqtaldy.
Joba aıasynda jol jamylǵysy tóselip, jaryq shamdary ornatyldy, avtoturaq oryndary jasaqtaldy jáne barlyq qajetti jol qozǵalysyn retteý belgisi qoıyldy.
Áıteke bı kóshesinde Syǵanaq kóshesinen Q.Muhamedhanov kóshesine deıingi ýchaskede qozǵalys ashyldy. Joba boıynsha jumys jalǵasýda, ýaqytsha belgiler ornatylǵan.
Bıyl jeltoqsan aıynyń sońyna deıin baǵdarsham obektilerin ornatý josparlanyp otyr. Barlyq jumys jobalyq qujattamaǵa sáıkes júrgizilýde.
T. Rysqulov kóshesinde Máńgilik El dańǵylynan Nura arnasyna deıingi ýchaskede qozǵalys ashyldy. Joba aıasynda velojolaqtary bar trotýarlar, baǵdarshamdar jáne zamanaýı kóshe jaryqtandyrý júıesi qarastyrylǵan.
Sh.Qaldaıaqov kóshesinde Táýelsizdik dańǵylynan Arys kópirine deıingi ýchaskede jol tósemin jóndeý jumysy júrgizildi.
EK-32 kóshesinde Tóle bı kóshesinen «Han Shatyr» saýda ortalyǵyna deıingi ýchaskede qozǵalys qamtamasyz etildi.
Á.Bekturov kóshesin Turan dańǵylyna shyǵarý jobasy aıasynda Á.Bekturov kóshesi men Turan dańǵyly qıylysynda baǵdarsham ornatyldy. Kóshe jaryqtandyryldy, jol tańbalary syzyldy, irgeles aýmaq abattandyryldy.
Buqar jyraý kóshesin jańartý jumysy Ál-Farabı dańǵylynan Joshy han kóshesine deıingi ýchaskede belsendi júrgizilip jatyr.
Qurylystyń, jaryqtandyrýdyń jáne jol ınfraqurylymyn jańartýdyń nátıjesinde bul ýchaske zamanaýı jáne qolaıly kelbetke ıe bolyp otyr.
Atalǵan ýchaskelerde qozǵalystyń ashylýy aýdandar arasyndaǵy kólik baılanysyn edáýir jaqsartýǵa, kórshiles magıstraldarǵa túsetin júktemeni azaıtýǵa jáne qala turǵyndary men qonaqtarynyń jolǵa ketetin ýaqytyn azaıtýǵa múmkindik beredi.
Basqarma bekitilgen josparlarǵa sáıkes aýqymdy jobalardy júzege asyrýdy jalǵastyryp, qala turǵyndary men qonaqtary úshin zamanaýı jáne qolaıly kólik ortasyn qalyptastyrýǵa kúsh salyp keledi.