Elordada jańa jaǵalaý paıda boldy

ASTANA. QazAqparat – «Saryarqa» aýdanynda Shabal Beısekova kóshesindegi kópirdiń janynda jeke ınvestıtsııalar esebinen jańa qoǵamdyq keńistik ashyldy, dep habarlaıdy QazAqparat.

Qala ákimdiginiń málimetinshe, jalpy abattandyrylǵan aýmaq aýdany – 0.96 ga. Jaǵalaýda qala turǵyndary úshin ártúrli demalys alańdary ornalastyrylǵan, onyń ishinde:

- amfıteatr

- balalar jáne sport alańdary

- velosıped, júgirý, serýendeý joly

- basketbol, voleıbol, fýtbol alańy

- órmeleý alańy

- skeıtpark

Aýdan boıynsha abattandyrý jumystary belsendi júrgizilip jatyr. Qurylys maýsymy bastalǵaly Kóktóbe kóshesinde (Kóktal-1 t.a.) jáne Fahd ben abdýl azız kóshesinde (Agrogorodok t.a.) qoǵamdyq keńistikter jaılastyryldy. Sonymen qatar «Shapaǵat» SÚ jáne Jeltoqsan-Buqarbaı batyr-Beıbitshilik kóshelerinde jaıaý júrginshiler jolyn jóndeý jumysy jalǵasyp jatyr.

Astana qalasynyń ákimi Jeńis Qasymbek elordanyń oń jaǵalaýy qalaı kórkeıetinin málim etken bolatyn. Onyń aıtýynsha bıyl qalanyń oń jaǵalaýynda 130-ǵa jýyq aýla men qoǵamdyq keńistik abattandyrylady. Qazirdiń ózinde 50-ge jýyq orynda tıisti jumystar aıaqtalǵan.