Elordada jańa úlgidegi baǵdarsham ornatyla bastady
Qalalyq kólik jáne jol-kólik ınfraqurylymyn damytý basqarmasynyń málimetine sáıkes, kóshe qıylystarynda jaryǵy bar jaıaý júrginshiler baǵdarshamy qoldanylady.
SWARCO óndirýshisiniń jańa baǵdarshamynyń qyzyl jaryǵy trotýarǵa da túsedi tıisinshe jaıaý júrginshilerdiń smartfonynyń dıspleıine de shaǵylysady.
Jaıaý júrginshiler baǵdarshamy jerdegi jaryqtandyrý fýnktsııasyn oryndap qana qoımaıdy, sonymen qatar eki kózi telefonda júretinderdiń nazaryn aýdarady.
Jaıaý júrginshiler baǵdarshamynyń jańa modelinde mynadaı artyqshylyǵy bar: Ymyrt úıirilgende jáne túnde trotýarǵa qyzyl jaryq túsýine baılanysty baǵdarshamnyń qyzyl belgisi jaqsy kórinedi, smartfonnyń dıspleıine baǵdarshamnyń qyzyl sıgnaly túsýi arqyly jaıaý júrginshilerdi eskertedi jáne trotýardyń shetinde qyzyl túspen belgilengen oryndardyń arqasynda jaıaý júrginshilerdi kólik júrgizýshileri jyldam baıqaıdy.
Baǵdarshamnyń synaq nusqasy 9 baǵdarsham obektisinde qoldanyldy.
1) Jeńis dańǵyly boıynda;
2) Abaı dańǵyly – Murajaı;
3) Pýshkın kóshesi – EUÝ;
4) Q.Muńaıtpasov kóshesi 16;
5) Qorǵaljyn tas joly – Dýman;
6) Máskeý kóshesi – 14 mektep;
7) Turan dańǵyly – Ortalyq saıabaq;
8) J.Táshenov kóshesi – Alataý sport kesheni;
9) Jırentaev kóshesi – 22 mektep.
Budan bólek dybystyq jol kórsetý júıesi bar baǵdarshamdar ornatyldy. Bul jaıaý júrginshiler, ásirese kózi nashar kóretin jurt úshin tıimdi. Osylaısha, jaıaý júrginshiler ótkeli burynǵysynan qaýipsiz bolady.
Mundaı baǵdarshamdar qalanyń 7 jernde ornatylǵan:
1) Qabanbaı batyr dańǵyly – №17 mektep;
2) S.Seıfýllın men Sh.Ýálıhanov kósheleriniń qıylysy;
3) Qabanbaı batyr dańǵyly – AIU;
4) Respýblıka dańǵyly – Jastar saraıy;
5) Bógenbaı batyr dańǵyly – Sh.Ýálıhanov kóshesi;
6) Qabanbaı batyr dańǵyly – Saltanat saraıy;
7) Alash tasjoly – Jolymbet kóshesi.
