Elordada jańa turǵyn úılerge qazaqsha ataý berý beleń ala bastady

ASTANA. KAZINFORM – Elordadaǵy qurylys kompanııalary jańa salynǵan turǵyn úılerge qazaqsha ataý bere bastady. Bul týraly Astana qalalyq tilderdi damytý jáne arhıv isi basqarmasynyń basshysy Sáken Esirkep aıtty. 

— Sońǵy 2 jyldyń kóleminde qaladaǵy turǵyn úılerdiń ataýlaryna baılanysty iri qurylys kompanııalarymen kezdesý ótkizdik. Buǵan deıin 60-70 paıyzǵa jýyq shamada turǵyn úılerdiń attary neshe túrli sheteldik ataýmen qoıylyp kelgen. Basshylyqtyń da áleýetin salyp, ózimiz de birneshe dúrkin kezdesýdiń nátıjesinde iri qurylys kompanııalary úıleriniń 60-70, keıbiri 80 paıyzǵa jýyǵyna dástúrli ataýlardy qoıyp jatyr, — dedi ol qalalyq máslıhattyń áleýmettik-mádenı damý máseleleri jónindegi turaqty komıssııanyń otyrysynda.

Sonymen qatar ol balabaqshalar men mektepterge baratyn balalardyń ata-analarymen kezdesýler jıi ótkizile bastaǵanyn aıtty.

— 2021-2022 oqý jylynda qalamyzda qazaq synybynda oqıtyn oqýshylardyń sany 52 paıyz bolsa, sońǵy oqý jylynda 65 paıyzǵa kóterildi. Degenmen, isteıtin jumys áli kóp. Mysaly, sońǵy jyly qalalyq bilim basqarmasyna qarasty memlekettik balabaqshalarǵa jańadan kelgen búldirshinder tolyqtaı qazaq tiline qabyldandy. Bul úrdisti múmkindiginshe aldaǵy ýaqytta jalǵastyrsaq degen oıymyz bar, — dedi Sáken Esirkep.

Aıta keteıik, bıyl 3 myń elordalyq qazaq tilin tegin úırenedi.