Elordada jańa órt sóndirý kesheni ashylady
ASTANA. QazAqparat - Búgin Qazaqstan Respýblıkasy Parlamenti Májilisinde baıandama jasaǵan QR Іshki ister mınıstri Qalmuhanbet Qasymov elordalyq ákimdiktiń órt sóndirý beketterindegi oń tájirıbesin atap ótti, dep habarlaıdy Astana qalasy ákimdiginiń resmı saıty.
Onyń aıtýynsha, elordada jergilikti bıýdjet qarajaty esebinen órt sóndirý kesheni salynady.
«Oń mysal retinde Astana, Shymkent jáne Atyraý oblystary ákimdikteriniń jumysyn atap ótýge bolady. Onda jergilikti bıýdjet qarajaty esebinen órt sóndirý kesheniniń qurylysy júrip jatyr», - dedi ol.
Іshki ister mınıstriniń aıtýynsha, qazirgi ýaqytta elimizde 422 órt sóndirý beketi bar. Olardyń jartysynan kóbi zamanaýı talaptarǵa sáıkes kelmeıtin ǵımarattarda ornalasqan.
23-i apatty jaǵdaıǵa bolsa, kópshiligi jalǵa alynǵan ǵımarattarda jumys istep tur. Zańmen talap etilgen standarttarǵa sáıkes, qosymsha 137 órt sóndirý kesheniniń qurylysy qajet. Onyń 111-i qalalyq, 23-i aýyldyq jerlerde.
