Elordada jańa órt sóndirý deposy salynady
NUR-SULTAN. QazAqparat – Astana aýmaǵynda úsh jerden órt sóndirý deposy salynýy múmkin. Nur-Sultan qalasynyń Tótenshe jaǵdaılar departamenti bastyǵynyń orynbasary Qýanar Bazarbaev máslıhat depýtattaryna osyndaı málimet berdi, dep habarlaıdy QazAqparat.
Nur-Sultan qalalyq máslıhatynyń tótenshe jaǵdaılardyń aldyn alý jáne órt qaýipsizdigi máseleleri jónindegi turaqty komıssııasynyń otyrysynda Tótenshe jaǵdaılar departamenti bastyǵynyń orynbasary Qýanar Bazarbaev Úrker kentinde órt sóndirý deposy salynatynyn aıtty.
«Búgingi tańda biz 3 órt sóndirý deposy boıynsha jumys júrgizip jatyrmyz. 28-shi kóshede ornalasqan depo boıynsha jobalaý jumystary júrip jatyr. Taǵy bir depo boıynsha qurylysyn bastaýǵa qarjy bólindi. Úrker kentindegi depoǵa kelsek, bıyl munda da órt sóndirý deposynyń qurylysy bastalady. Qazir konkýrs júrýde. Aqshasy daıyn tur. Baıqaý rásimderin shilde aıynyń sońynda aıaqtaý josparlanǵan», - dep jaýap berdi Qýanar Bazarbaev depýtattardyń saýalyna.
