Elordada jańa oqý jylyna 4 jańa mektep ashylady
ASTANA. QazAqparat - Jańa oqý maýsymynda 4 jańa mektep paıdalanýǵa beriledi, dep habarlady astana.gov.kz saıty.
Olardyń qatarynda matematıkalyq baǵyttaǵy №73 fızıka-tehnıkalyq lıtseıi (Qaldaıaqov kóshesiniń ońtústiginde, №50 kósh.), ınklıýzıvti dárejeli №74 jalpy-gýmanıtarlyq baǵyttaǵy mektep-gımnazııasy (Saraıshyq kósh.), jalpy-gýmanıtarlyq baǵyttaǵy №75 mektep-gımnazııa (Jánibek-Kereı handar kóshesi aımaǵynda, Orynbor, Eńbekshiler), sondaı-aq, №76 mektep-lıtseıi (Túrkistan kóshesiniń aımaǵynda, Orynbor, Jánibek-Kereı handar kósh.). Jalpy olar 4800 oqýshy qabyldaýǵa qaýqarly. Jyl saıyn elordada jańa turǵyn úıler men keshender boı kóterýde. Ásirese, qurylys Esil aýdanynda qarqyndy júrgizilýde. Al, jańa bilim berý mekemeleriniń boı kóterýi oqýshylardyń alysqa qatynamaı, úıge jaqyn ári yńǵaıly ornalasyp, synyptardaǵy balalardyń sanyn azaıtýǵa múmkindik beredi.
