Elordada jańa mýraldar salynady: avtory bolǵyńyz kele me
ASTANA. KAZINFORM — Astananyń Almaty aýdany ákimdigi sýretshilerdi, graffıtı sheberlerin jáne shyǵarmashylyqpen aınalysatyn barsha azamatty qala keńistigin jańartýǵa úles qosyp, jańa mýraldardyń avtory atanýǵa shaqyrady, dep habarlaıdy elorda ákimdiginiń resmı saıty.
Sýretshiler men graffıtı sheberleri Astananyń Almaty aýdanyndaǵy úıler men ǵımarattardyń qabyrǵalaryna salynatyn jańa mýraldarǵa óz jobalaryn usyna alady.
Qatysý úshin:
1. Mýraldyń nemese graffıtıdiń eskızin daıyndaý.
2. Jumystyń ıdeıasyn jáne tujyrymdamasyn sıpattaý: neni beınelegińiz keletinin jáne týyndyǵa qandaı maǵyna bergińiz keletinin túsindirý.
— Usynylǵan eskızder iriktelip, kelisilgennen keıin jobany iske asyratyn oryn anyqtalady. Qosymsha aqparatty Almaty aýdany ákiminiń keńesshisi Aıana Qanattan myna telefon arqyly bilýge bolady: 8 708 928 80 30, — delingen habarlamada.
Buǵan deıin býterbrod ustaǵan mysyq Astanadaǵy jańa mýraldyń keıipkerine aınalǵanyn jazǵanbyz.
